இப்பன்னாட்டுக் கருத்தரங்கம் இரு நாள்களாக 2019 ஆம் ஆண்டு அக்டோபர் மாதம், முதல்வாரத்தில், சென்னையில் நிகழ உள்ளது. முதல் நாள் தொடக்கவிழா பாராட்டுவிழா வாகவும், ஆய்வுக்கோவை, விழா மலர் மற்றும் நூல்கள் வெளியீட்டு விழாகவும், மறுநாள் கருத்தரங்க அமர்வுகள், ஜெயகாந்தன் ‘சபை’, மற்றும் நிறைவுவிழா என்பதாகவும் நடத்தப் பெறும். 

‘ஜெயகாந்தம்’- மலர் 
 ஜெயகாந்தனுடன் பழகிய, பங்கேற்ற அனுபவங்களை, புகைப்பட, கையெழுத்து, கடிதம் சான்று நகல்களுடன், A4 அளவில் நான்கு பக்கங்களுக்குள் எழுதி அனுப்பலாம். சுருக்கவோ, நீக்கவோ பதிப்பாசிரியர்களுக்கு உரிமை உண்டு. மலர்ப்பங்களிப்பிற்குக் கட்டணமில்லை.  

‘ஜெயகாந்தம்’ - ஆய்வுக்கோவை 
 கருத்தரங்கின்  மையப்பொருள் ஜெயகாந்தம்- ‘ஜெயகாந்தனின் ‘இலக்கிய ஆளுமை’ என்பதாகும். இதில் பின்வரும் தலைப்புகளில் கட்டுரைகள் வழங்கலாம். கருத்தரங்கிற்கான கட்டணம் ரூ. 1000/- (ஓராயிரம்) மட்டும். 

 தேவகோட்டையில் மாற்றத்தக்க  (Crossed  Demand Draft) குறுக்குக்கோடிட்ட வங்கி வரைவோலையாகவோ, அல்லது பிற வங்கிச் செலுத்துச் சீட்டு வழியாகவோ (அதன் ரசீதை கட்செவியில் அனுப்பிட வேண்டும்.) G.VIJAYALAKSHMI (KARUR VAIYSYA BANK, DEVAKOTTAI (1802155000019514) என்ற பெயருக்கு அனுப்பிட வேண்டுகிறோம். 

 பதிவுப் படிவமும்,  ஆய்வுக்கட்டுரையும்  கட்டணமும்  30-08-2019 ஆம் நாளுக்குள்  வந்தடைய வேண்டும். காலதாமதமாக வரும் கட்டுரைகள் ஏற்கப்பட மாட்டா.

​

நெறிமுறைகள்

1. கட்டுரைகளைத் தமிழிலோ / ஆங்கிலத்திலோ வழங்கலாம். 

2. பல்கலைக்கழகம், கல்லூரி, நிறுவனம் சார்ந்த பேராசிரியர்கள் | ஆய்வுமாணாக்கர்கள் தங்கள் ஆய்வுக்கட்டுரையுடன், கல்லூரி | நிறுவன முழுமுகவரி,தொலைபேசிஎண்| அஞ்சல் குறியீட்டுஎண் ஆகிய விவரங்களை இணைத்தே அனுப்பி உதவிடுக. தமிழ் ஆர்வலர்கள் |  இலக்கியச் சுவைஞர்கள் கட்டுரைகளை அனுப்பலாம். 

3. ஆய்வுக்கட்டுரைகள் முற்றிலும் பேராளர்களின் சொந்த ஆய்வுக்கட்டுரைகளாகவே இருத்தல் வேண்டும்.  பிறர் படைப்புக்களைத் தழுவியதாகவோ,  கையாடியதாகவோ, மின் இணைய தளங்களில் இருந்து பதிவிறக்கம் செய்யப்பட்டதாகவோ இருத்தல் கூடாது. அவ்வாறு இருப்பின் அவை பிரசுரிக்கப்படமாட்டாது என்பதுடன் பதிவுக்கட்டணமும் திருப்பியளிக்கப்பட மாட்டாது.  கட்டுரைகளில் இடம்பெறும் ஆய்வுக் கருத்துக்கள் / முடிவுகளுக்குக் கட்டுரையாளரே பொறுப்பாவார். துணைநின்ற நூல்களின் விவர,  பக்க அடிக்குறிப்புகளையும் கட்டுரை அமைப்பிலேயே அடைப்புக்குறிக்குள் தருதல் வேண்டும்.  முடிந்த  அளவு  பிறமொழிக்  கலப்பற்றதாய்  இருத்தல் நல்லது. சுருக்கவோ, நீக்கவோ பதிப்பாசிரியர்களுக்கு உரிமை உண்டு.

4. ஆய்வுக்கட்டுரைகள் A4 தாளில் இருவரி இடைவெளியுடன் ஒருங்குறி  UNICODE  எழுத்துருவில்  ஐந்து பக்கங்களுக்கு மிகாமல்  மின்னஞ்சல் வழி MICROSOFT WORD FILE வடிவில் அனுப்பவேண்டும்.  PDF வடிவிலோ கையெழுத்துப் படிகளோ ஏற்கப்பெறா. 

5. ஆய்வுக்கட்டுரைகள் அறிஞர் குழுவின்  ஏற்பினைப் பெற்று,  ஆய்வுக்கோவையாக நூல் வடிவில் ISBN எண்ணுடன் வெளியிடப் பெறும்.